Dende’l Cantábricu’l L.levante, con escala en Valladolid lleguen a esti I Festival 2 Mares diferentes grupos con ñacimientos diferentes pero mesmes vocaciones.
Dende la consideración de la música como mediu d’integración de diferentes espresiones culturales toos estos grupos muévense motiváos tanto pola conciencia de conservación de un raigañu cultural propiu, como pola difusión de la mesma en ñuevos contestos culturales.
RISCA L’ALBA (Barcelona)
Grupu xurdíu nel Centru Asturianu Barcelona nel añu 2002 como consecuencia del interés d’Anto Pérez, Lena Uria y Pablo Valenciano de formar un grupu folk asturianu na ciudá de Barcelona. Esti grupu, formáu por componentes de la banda Andecha pol Raigañu del Centru Asturianu entamará los sos ensayos durante 2001 cola andecha incondicional de los coordinadores de la banda Gloria Blanco y Julio Quirós.
L’inquietú de los componentes d’esti proyeutu por buscar un soníu propiu dientru la tradición musical dende la que trabayen foise enriqueciendo cola incorporación de ñuevos miembros que se sumaren a la formación orixinal llevándolos a participar en numerosos certámenes nacionales ya interacionales.
Actualmente la so vocación difusora llevólos a la preparación d’un proyeutu de espectáculu educativu que inclui exposición, charla y conciertu con una alta dosis d’interactividá col públicu mientres que preparen el so primer trabayu discográficu.
ERGUEDELA (Valladolid)
Grupu de Cantareiras xurdíu de la Casa de Galicia en Valladolid nel añu 1997 integráu por 10 moces, vinculáes activamente’l folklore y la música tradicional mediante la so participación en diferentes proyeutos, tanto de grabación como de collaboración con otros grupos nesta escena.
Erguedela recueye la tradición heredá de los grupos de pandereteiras y cantareiras de Galicia pa recreala dende un xeitu personal, basando’l so repertoriu nos resultáos obteníos de los trabayos de campu de recoyía de la tradición oral na xeografía gal.lega.
Erguedela tien comu obxetivu la conservación y difusión de la música tradicional gal.lega tanto nes sos actuaciones, ú reproducen con fidelidá les diferentes pieces recoyíes, comu a traviés de la so escuela na que impártense clases de cantu y pandereta.
BANDA DE GAITES AVANTE CUIDEIRU (Cuideiru)
L’Asociación Cultural y Folklórica Avante Cuideiru xurdía nel añu 1985 articula un importante proyeutu de conservación y difusión de la tradición cultural de la comarca asturiana de Cuideiru. Trabaya tanto na investigación del patrimoniu cultural comu na promoción y difusión de la tradición a traviés de publicaciones comu la revista Avante Cuideiru, la so Escuela de Música Tradicional o la xestión d’eventos comu’l Concursu de Composición pa Instrumentos tradicionales Asturianos.
Esti ampliu proyeutu cultural que nunca pierde de vista los sos orixes vinculáos a la llabor musical y folklórica ampara comu una de les sos expresiones más representatives a la Banda de Gaites, esta formación desarrolla una intensa actividá realizando conciertos tantu en tóu’l territorio nacional comu participando en diversos certámenes internacionales, el XXIII Festival Intercélticu de Lorient (Francia), el Festival de Música de Saltzburgo (Austria) o‘l Festival Internacional de Kaustinen (Finlandia) son sólo dellos alcuentros que apreciaren la so llabor.
Frutu’l so trabayu editaran dos discos, el primeru en 1994 con temes tradicionales asturianos y el tituláu Rosa de los Vientos (1997) ú amplien el so rexistru musical incluyendo temes de música clásica y moderna.
ANDECHA POL RAIGAÑU
(Banda gaites Centru Asturianu, Barcelona)
Nel sen del Centru Asturianu de Barcelona asiéntase’l grupu de folklor Andecha pol Raigañu, grupu con l.larga hestoria de participaciones en diversos eventos nacionales ya internacionales de difusión de la música con raigañu.
Nel añu 2005 xurde comu un nuevu proyeutu la Banda de Gaitas baxo la direición d’Iñaki Sánchez Santianes, direutor tamién de la banda La Laguna de Torollu, y profesor de gaita del Conservatoriu d’Uviéu, que conduciera a esta agrupación a participar en diferentes actividáes culturales na ciudá de Barcelona.
OS CASTROS (Alicante)
Os Castros tá integráu por 18 miembros d’edáes y procedencies diverses que doten a esti grupu xurdíu nel Centru Gal.legu d’Alicante nel añu 2003 d’una fuerte personalidá.
La diversidá de los integrantes d’esti grupu refléxase tanto nel xeitu’n comu aborden la tradición na que basen el so repertoriu, comu na apertura ecléctica a tóu tipu de contaminaciones y experimentaciones del contestu músical en que se desarrolla la so actividá.
Os Castros participó nestos años en diversos eventos relacionáos col estudiu y difusión del folklor tanto na Comunidá Valenciana de la que proceden comu en diferentes puntos del estáu.
ESCUELA D’ASTURIANIA DE L.LEVANTE (Castellón-Alicante)
Les Escueles d’Asturianía son una iniciativa didáutica del Conseyu de Comunidáes Asturianes puesta en marcha a demanda de diferentes Centros Asturianos. L’interés pola formación musical, de bail.le y pola tradición cultural de los integrantes de los centros asturianos de Alicante, Torrevieja y Castellón llevólos a participar nel primer proyeutu d’esti tipu nel añu 2005. Frutu d’esta primera promoción ye la Escuela d’Asturianía de L.levante que n’estos últimos años foi consolidando la so reputación y buen facer en diferentes actuaciones pel territoriu nacional.
GATZARA (Paterna, Valencia)
Nel sen del coleutivu cultural Revolta desarróllase nel añu 1998 un tal.ler de tabal y dolçaina que se consolidará, l’añu siguiente, en L’Escola de Tabal i Dolçaina Gatzara comu un proyeutu estable.
Frutu d’esti trabayu cuéntase, a partir del añu 2000, con músicos suficientes pa constituyír la Colla Gatzara, que xunto L’Escola, convirtióse nos últimos años en referencia obligada en cuanto a la conservación y difusión de la música tradional de la comarca.
Al mesmu tiempu, la fidelidá al obxetivu de ser un elementu de conciencia social llevó a Gatzara a organizar y participar en diferentes actos reivindicativos a lo l.largu de tóu’l País Valenciano y l’estáu español.
CELTURIA (Valencia)
La banda gaites Celturia desarrolla la so actividá nel marcu de la Associació d’Amics de la Gaita de Valencia, constitúyese comu una esperiencia coleutiva d’una serie de persones movíes pol interés pola música tradicional de raigañu célticu ya’l so amor pola música en xeneral.
Estructurá’l xeitu de les bagad bretones (gaites, bombardes, percusión) aprovecha la riqueza de referencies de los sos integrantes pa construyir un repertoriu qu’integra al mencionáu raigañu célticu la riqueza musical del entornu de L.levante, del que proceden buena parte de los sos miembros.
Ente los obxetivos de Celturia atópase una fuerte implicación na docencia tanto d’interpretación musical comu de les propies referencies culturales de les que se nutre, llevando a cabu una actividá dirixía a recuperar y difundir la música tradicional ensin dexar aparte l’adaptación y el mestizax que supon el crear una banda d’inspiración atlántica a oriel.les del Mediterráneu, poro aún siendo una banda articulada alredor de la gaita gal.lega nun escaez la riqueza d’instrumentos comu curdiones, djembés, dolçainas, etc.
Valencià | Castellano | Galego
- aviso legal