El I Festival 2 Mares ye una iniciativa de La Casa d’Asturies y l’Associació d’Amics de la Gaita de Valencia que busca la fusión ente les riqueces culturales de dos oriel.les, la cantábrica y la mediterránea, qu’axunten importantes exemplos de la riqueza cultural d’un país que n’actualidá llucha por convertise’n modelu de referencia en cuanto a avances sociales. Dende esta perspeutiva, el trabayar na integración de realidáes culturales diferentes ye ún de los más importantes trabayos na construición de ñuevos marcos de convivencia.
Dende l’esperiencia de la migración interior movilizada pola búsqueda de más amplios horizontes y del exerciciu d’integración representáu pola Casa d’Asturies y l’Associació d’Amics de la Gaita de Valencia xurde’l I Festival 2 Mares. Esti festival pensóse dende la conciencia de la pervivencia, nel imaxinariu coleutivu de los l.lugares que foron históricamente puntu d’acoyida de los fluxos migratorios cantábricos, de la idea de persones trabayadores pocu preocupáes pola so integración nos ñuevos contestos sociales, sinon más bien comu tendentes a agrupase básicamente ente los que comparten un raigañu común alredor del mitificáu sentimientu de morrina. Ensin embargu, la fuerte impronta de la fiesta popular nes cultures dambes oriel.les facilita la búsqueda d’un alcuentru basáu na al.legría de compartir una tradición festiva.
Ye la intención d’esti I Festival 2 Mares romper cola imaxe teñía de señardá pa, a partir de les diferentes esperiencies de movilidá ya integración construyir un proyeutu de difusión d’un raigañu cultural misturáu ente aquellos que lleguen y quienes los reciben, comu ensayu d’una estratexia lúdica de trabayu que busca l’apertura hacia tolos que compartimos un mesmu espaciu de convivencia.
Valencià | Castellano | Galego
- aviso legal