Dientro’l universu de la música tradicional la ellaboración de los instrumentos ye un elementu fundamental a l’hora d’algamar les sonoridáes buscáes polos diferentes artistes. La diversidá de planteamientos musicales esixe que ca instrumentu tea construyíu específicamente p’algamar los resultáos perseguíos faciendo de la l.labor del artesanu la base imprescindible tanto pa la conservación comu la renovación de la música tradicional.
Con motivu d’esti festival tendremos ocasión de cuntar cola presencia de dos relevantes artesanos gal.legos que pondrán a disposición de tóu aquel interesáu tanto los sos conocimientos com’l frutu del so trabayu.
PATRICIA CELA
Xoven artesana formada na Universidad Popular de Vigo de la man d’Antón Corral, consideráu’l meyor artesanu de gaites vivu en Galicia y de cuyes manos xurdieron los instrumentos de xente comu Budiño, Anxo Pintos o Carlos Núñez, lleva trabayando cinco años dende que terminara la so formación siguiendo respetuosamente los pasos del so maestru. Ensin embargu, esto nun impide que frutu de les esperiencies propies del procesu de trabayu la so l.labor vaya enriqueciéndose colos diferentes descubrimientos que conlleva tóu trabayu artesanal.
Consciente de la tradición artesanal na que se posiciona fuxe de los procesos industrializáos adecuando caúna de les pieces a les necesidáes d’aquel.los que les utilizarán, equilibrando xustamente’l preciu a la calidá de’l so productu. www.patriciacela.com
DIEGO PIÑEIRO
Esti ye un artesanu que basa’l so trabayu na curiosidá por tóu tipu d’instrumentos. Consecuencia d’ello ye la so l.labor d’investigación sobre instrumentos antiguos interesándose por artes yá en desusu qu’él recupera y adapta coles téuniques actuales. Piensa’l so trabayu dende un conceutu de meyora y perfeccionamientu contínuu faciendo de ca instrumentu qu’aborda un proyeutu únicu que s’adapta a la personalidá y necesidáes de caún de los sos clientes.
Valencià | Castellano | Galego
- aviso legal