El I Festival 2 Mares xurde gracies al empeñu de La Casa d’Asturies y laAssociació d’Amics de la Gaita de Valencia. La Casa d’Asturies en Valencia inició la so actividá nel añu 2003, siendo reconocía la so Asturianía pol Conseyu de Gobiernu del Principáu nel añu 2005. Esti el mesmu añu en qu’entama la so andadura comu asociación la Associació d’Amics de la Gaita estableciéndose dende l’aniciu una fuerte complicidá entrambos coleutivos de la que xurden diferentes collaboraciones.
N’ambes asociaciones podemos atopar tanto persones que conocen l’esperiencia de la movilidá, bien direutamente o ya mediá pola distancia d’una o dos xeneraciones, comu otres movíes pol interés acerca d’expresiones culturales l.legáes d’otros l.lugares y que l’esperiencia de la movilidá pon al so alcance.
La Casa d’Asturies en Valencia caracterízase pola so vocación de difusión de la cultura asturiana dende una perspeutiva aperturista, l'Associació d’Amics de la Gaita busca ser el puntu d’alcuentru pa toa aquella xente que disfruta de la música de raigañu cantábricu o atlánticu pero estableciendo vínculos cola propia cultura del L.levante ú s’atopa, y n’ambos casos, búscase la construición d’una plataforma d’apoyu y divulgación pa tóes les iniciatives que contribuyan a la construición d’un marcu de convivencia más ampliu mediante’l conocimiento de los qu’integramos esta sociedá.
Direición festival: Pablo Arce
Identidá y comunicación: martiño, cultura gráfica
Conteníu: Alberto Mera
Prensa: Amparo Cantin
Presidenta Casa d’Asturies: Carmen Revuelta
Presidenta Amics de la Gaita: Ana Caamaño
Valencià | Castellano | Galego
- aviso legal